رواية شيقة للكاتبة موروو مصطفي

فصړخ الكل عيااااااااال فنظرت لهم جميلة وهي ترفع حاجبها ايوه عيال انا بقيت ماما يبقى انتم عيال المهم اسمعوا قبل المقاريض مايهبدوا فيا تاني وربنا ده انا ح اطلقهم عليكم بس يجوا هما بس فضحك الجميع
جاسر مش عارف ليه محسساني انك ح تخلفي فيران مقاريض وتطلقيهم المهم كملي ياروحي
جميلة فريدة انتي عارفه انا بحب طنط سعاد ازاي مش كده
فريدة طبعا يابنتي دي محتاجة كلام وهي كمان ياجميلة بتحبك قوي 
جميلة طيب حلو قوي معتز انت كمان عارف انا بحب عمو كارم زي بابا 
معتز طبعا ياجميلة وهو بيحبك اكتر منا كمان ده انا لما بغلس عليكي ساعات ويكون جانبي بيهبدني كوع في جانبي بحس ان روحى بتتسحب مني
جميلة طيب عايزكم تفتحوا مخكم معايا وتسمعوني للآخر دلوقتي انت اتجوزت وعايش مع قمر شوية هنا وشوية في الساحل علشان المشروع وانتي يافريدة ح تتجوزي وح تسافري مع جوزك شهر العسل وبعدها ح تبقى بين هنا وبين القاهرة وبين الساحل كمان مافكرتوش في طنط سعاد وعمو كارم هما طبعا ح يكونوا معانا اه بس احنا كل واحد معاه وليفه وهما كل واحد لوحده فنظرت لها فريدة ورفعت حاجبها
فريدة قصدك ايه ياجميلة وضحى
فضحكت جميلة لشعورها پغضب فريدة
جميلة فريدة اسمعيني كويس وانت كمان يافارس خليك معايا تفتكروا لو كل واحد فيكم اخد باله من أمه ولا ابوه يوم أتين شهر سنه وبعدها فريدة طنط سعاد اترملت عليكي بدري قوي وهي لسه صغيرة وانت يامعتز باباك ماشاء الله لسه شباب انا بقترح بالراحة كده وبعقل من غير تهور بصوا عليهم وشوفوا هما متفهمين مع بعض ازاي مالحظتوش في كلامنا كلنا مع بعض ان دائما كلامهم بيكمل بعضه فريدة حبيبتي فكري بعقلك وبقلبك عارفة انه مش سهل تحسي ان امك ممكن تتاخد منك لكن انتي اوريدي ح تعيشي مع جوزك وح يبقى هو حياتك وهي ح تفضل وحدها ليه مانجمعهومش سوا ولعلمكم دي فكرتي انا ماحدش قالي حاجة والله اعلم لو انتم وافقتم هما ممكن يوافقوا ولا لا فصمت الكل قليلا واحتضن فارس فريدة
فارس ديدا حبيبتي فكري في كلام جميلة امك لسه صغيرة وتقريبا عاشت مع باباكي فترة قليلة وعاشت ليكي وضحت بشبابها كله علشان تربيتك ونجحت وصمدت أدام اهل ابوكي واحنا دلوقتي ح نتجوز وح تنشغلي عنها اكيد بيا وبحياتنا وبشغلنا وبسفرنا مش بذمتك تستاهل تعيش الباقي من حياتها مع راجل يحميها ويهتم بيها ويكون ونس لها وعمو كارم اتعذب كتير مع طليقته وكلنا عارفين واكتر واحد عارف فينا ده معتز
معتز فعلا ابويا اتعذب كتير مش من أمي بس منها ومن زينة ومني انا كمان ياما عذبته معايا لكن هو طيب وحنين وكان بيحاول دائما يقومني لكن الله يسامحها بقى كانت بتقويني انا عن نفسي موافق وبشدة فريدة ابويا طيب قوي شفتي طيبة عمي عبدالحميد هو أطيب منه كمان وحنين قوي وانا واثق انه ح يشيل ماما سعاد جوه عيونه فنظرت فريدة للكل والكل كان يشجعها على اخذ القرار دون أن يتحدثوا فقط نظرات عيونهم فابتسمت فريدة ونظرت لجميلة
فريدة وانا موافقة كمان ياجميلة بس اذا كان انتي بتقولي محدش قال حاجة ح نجوزهم ازاي ان شاء الله
جميلة سيبوا الطلعة دي عليا بس تعالوا قوموني والله ياكلبة منك ليها لدبسكم في الكلاب اللي جوه دول انا خلاص تعبت وربنا اهئ اهئ اهئ اه ياني يابا كان ليا فين ده ثم نظرت لجاسر شذرا وانت خلاص يعني اتنين مرة واحدة عارف ياجاسر انا ح اولدهم واسيبهم لك تنام بيهم فضحك جاسر واحتضنها بقوة وادار رأسها له
جاسر لا ياروحي انتي ان شاء الله تولدي بالسلامة وح نسيبهم لجدتهم واستفرد انا بيكي ياقطتي فاطلق الشباب صفافير فخجلت جميلة ووضعت راسها في صدر جاسر واحمر وجهها بشده فنظرت لها قمر
قمر اتكسفتي يا اختي امال كنتي عامله ٧ رجاله في بعض من شوية ليه ناس غريبة وربنا
جميلة بس يابت تعالوا قوموني بقى وتعالوا
نجمع مع الناس اللي هناك دي علشان افجر القنبلة
البارت الثاني والعشرون
وقاموا جميعا وذهبوا لهم وطلبت جميلة الجلوس بين كارم وسعاد فوضع لها معتز كرسي بينهم
عبدالحميد ايه ده ياجوجو انتي متخانجه مع جاسر ولا ايه عاد مش بعاده تسيبيه لحاله أكده فابتسمت جميلة
جميلة لاه يابويا بعد الشړ خناج ايه عاد بس اني في مهمة رسمية دلوك هبابه أكده وح اعاود جانب روحي تاني
سعاد ربنا ما يفرق بينكم ابدا حبيبتي
جميلة ربنا مايحرمنا منك يا امي كيفك ياعمي دلوك
كارم بخير يابتي الحمدلله احسن كتير مالأول البركة فيكم
جميلة ربنا مايحرمنا منك ياعمي ابويا
عبدالحميد نعم يابتي عايز ايه اؤمري
جميلة ممكن تيجي دجيجة انت وامي ياخيبتي ياني ح اجوم كيف اني دلوك تعالي ياختي منك ليها جوموني اني بجيت عاملة زي الفيل فضحك الكل واقترب منها عبدالحميد واحتضنها تحت ذراعه وقبل رأسها
عبدالحميد حتى لو بجيتي زي مابتجولي برضك جمر مش في عيونا بس في عيون روحك اللي جاعد مش شايف غيرك ده فنظرت جميلة لجاسر فقبلها في الهواء فأحمر وجهها ووضعت وجهها في صدر ابيها
جميلة ابويا امي تعالوا نبعد شوية أكده احسن الناس دي بترمي ودنها كيف الجطط وذهبت معهم بعيدا قليلا واقترحت عليهم كلامها وكانت نظرات عيونها على رباب خاصة ان كارم كان زوج لاختها فوجدتها تبتسم فور ان سمعت اقتراحها وكادت تطلق الزغاريط لاه يا امي استنى لما نجولهم مع اني خاېفة منيهم جوز الكناريا دول
عبدالحميد سيبيني اني امهد لك كلامك
جميلة ماشي يابويا يالا بينا وعادوا مرة اخرى وجلست جميلة بين كارم وسعاد
عبدالحميد بجول ايه يا جماعة لو جميلة لها رغبة في شئ وطلبته تفتكروا نوافج عليه ولا لاه عايز اسمع رأي كل واحد
فوافق الجميع من اول أدهم وحتى قمر مرورا بفريدة ومعتز الذين وافقوا بشدة ووصل عبدالحميد لرباب
رباب طبعا نوافج ياعبده جميلة بتي تؤمر أمر فضحك عبدالحميد ونظر لكارم الذي نظر لجميلة وقبل رأسها
كارم بتي تؤمر وعلى رجبتنا كلاتنا ننفذ طلبها فقبلت جميلة يده
ونظرت لسعاد التي ابتسمت لها وضمتها لصدرها مقبلة رأسها
سعاد بنتي حبيبتي عايزة ايه اطلبي ياقلب أمك انتي عارفة غلاوتك من غلاوة فريدة وهي عارفة كده وعلى رأي عمك ننفذ طلبك على رقبتنا حبيبتي فقبلتها جميلة
ثم نظرت لفريدة ومعتز فقاموا من مكانهم واتجهوا لهم وجلسوا أمامهم فامسكت جميلة يد كارم ويد سعاد ووضعتهم على بعضهم ووضع معتز يده على يدهم وكذلك فريدة وكان كارم وسعاد ينظرون لهم بذهول
جميلة طلبي ح يجولوا معتز وح توافج عليه فريدة
معتز ماما سعاد انا بطلب ايدك لبابا فشهقت سعاد واحمر وجهها كطفلة مراهقة ووضعت يدها الأخرى على فمها فابتسمت فريدة عندما رأت لمعه عيونهم ونظرت لمعتز وانا وافقت يامعتز شرف ليا ان عمي كارم يبقى زوج لأمي اللي ضحت عمرها كله عشاني وجه الوقت اللي ترتاح فيه ونظرت لأمها التي ترقرقت الدموع في عيونها
كارم شرف ليا انا يابتي