الفصل الخامس عشر رواية غرام آسر للكاتبة ساره الحلفاوي
انت في الصفحة 1 من 4 صفحات
الفصل الخامس عشر
صحيت على إيد حنونة بتلمس على كتفها و صوت جدها العميق بيتغلغل لأذنيها صحيت و إبتسمت إبتسامة باهتة و هي بتقول
ج .. جدو!!
قومي يا حبيبتي! نايمة على الأرض كدا ليه!
قال بخضة عليها و بإيده التانية ماسك تليفونه اللي على ودنه و بيقول للطرف التاني بهدوء
هي كويسة يا آسر متقلقش!!!
آسر!!
قالت بلهفة و في لحظة كانت بټخطف منه التليفون و لسه هتتكلم سمعت صوته و هو بيقول بعتاب
متكلمتش بصت في الأرض بترسم دواير وهمية على الأرض ف كمل بهدوء
ليلى! متقلقنيش عليكي أنا مېت من القلق لوحدي! إتصلت عليكي كتير مردتيش ف بعت ل جدك ييجي يشوفك و يقعد معاكي!
متقلقش .. أنا كويسة! وصلت لفين!
لسه موصلتش إحتمال معرفش أكلمك باقي اليوم!
غمضت عينيها و نزلت دموعها بصمت إلا إنها قالت بهدوء مغاير لبراكين بتولع في قلبها
أخد نفس عميق و قال بحنان
تصبحي على خير يا حبيبتي!
و إنت من أهل الخير يا حبيبي!!
قال بعشق! و قفلت معاه .. بصت لجدها نظرات مطولة ف خدها في حضنه و هو بيقول بإبتسامة بيحاول يرفه عنها
تعالي يا حبيبتي .. مكنتش أعرف إن حفيدتي الصغننة بتحب جوزها للدرجة دي! ده أنا كإني شايف حب أمك لأبوكي الله يرحمهم بتحبيه للدرجة دي يا ليلى!!
إهدي يا بنتي! جوزك راجل!! و ظابط يعني دي مش أول ولا آخر مهمة ينزلها متقلقيش والله هيرجعلك أحسن من الأول!!
يارب يا جدو!!!
إبتسم و قال
يلا قومي بقى يا بنت بلاش النكد ده!! بقى أنا جاي أقعد معاكي تنكدي عليا كدا! قومي يلا إعمليلي حاجه أكلها!!
حاضر يا جدو حالا و هتلاقي أحلى سفرة قدامك!
ربنا يخليك ليا يا بنتي يارب ما تشوفي حاجه وحشة في حياتك تاني أبدا!
يارب!!
قالت بهدوء و قامت فعلا راحت المطبخ بتحاول تشغل نفسها مع الخدم لإنها تعمل الأكل لجدها!!!
مر يوم .. يومين من غير إتصال واحد منه قاعدة في أوضتها حاسة إن القلق بينهش في روحها قاعد قدامها رياض بيقولها بعقلانية
نفت براسها و هي بتقول بصوت بيترعش
مش طبيعي .. مش طبيعي يا جدو يعني أخر الليل قبل ما ينام مش بيمسك تليفونه يطمني عليه! مش بيقكر في اللي قاعدة بعيد عنه قلبها بياكله القلق عليه!
أول ما خلصت كلامها تليفونها رن جريت عليه و أول ما شافت إسمه
