رواية حب بلا حدود الفصل السادس عشر
اتفضلي ايه اللي نزلك من البيت
شمس بارتباك بان عليها
ابدا يا ضنايا انا لاقيت نفسي زهقانه قلت انزل اشم شويه هوا و اروح اشقر على خالتك كريمه فقلت اجي اشوفك و اطمن عليك و اشوف المحل اهو بالمره لما اخش عندهم اخش بايدي مليانه مش بايدي فاضيه
عيسى هز راسه بهدوء
طب اقعدي و شوفي انتي عايزه ايه و المحل كله تحت رجلك
هات كوبايه قهوه ساده و عصير للهانم
شمس
هانم ايه يا واد انت هتعاملني زي ما بتعامل الزباين و لا ايه
عيسى بابتسامه جميله
هانم و احلى هانم في الدنيا كلها ها قلتلي عايزه ايه بقى
شمس بصيتله بهدوء
عايزه سلسله كده حلوه على ذوقك تليق على جنه بنت خالتك كريم
اشمعنا جنه بنت خالتي كريمه ما تجيبي لخالتي كريمه ذات نفسها و هم دلوقتي بقوا يهاده الناس بالدهب
شمس
الله مش كل واحد بيهدي الهديه اللي تليق على قيمته و احنا تجار دهب هنهديهم ايه اكيد دهب يعني البنت تعبت و وقفت في المطبخ عشان تعمل ليا صينيه كيكه و في الاخر ماردش الهديه بحاجه حلوه و تفرحها لا لازم نجيبلها هديه كده ايه حلوه تليق عليها بس تكون مخصوصه ليها هي وبس
عندك الكتالوج اختاري منه التصميم اللي انتي عايزاه و هبعته لهم على المصنع يعملولك زيه
شمس اختارت عباره عن سلسله و اسوره و خاتم على شكل فراشه رقيق جدا و زودت على التصميم حلق من نفس الشكل
انا اخترت التصميم ده و تزود عليه حلق يبقى بنفس شكل الفراشه
عيسى
انتي كده بتختاري شبكه عروسه مش هديه
يا رب يسمع من بقك ربنا و تبقى دي هديه عروستك انت بس اتكلم و قول لاخطبيلي و انا عندي ليك عروسه نسمه
عيسى خبط بايديه على المكتب و بصلها و اتكلم بابتسامه
قلتلي بقى
